'വിശപ്പ് ദിനം '
നാളെ ലോക 'വിശപ്പ് ദിനം ' , അച്ഛനും , അമ്മയ്ക്കും എന്തിനേറെ പ്രണയത്തിനുവരെ ദിനങ്ങള് കണ്ടെത്തുന്ന ലോകത്തില് ഇതും വെറുമൊരു 'ദിനമായി ' തോന്നിയേക്കാം . ഈ വിശപ്പ് ദിന ആഘോഷങ്ങള്ക്കപ്പുറത്ത് മനസ്സിനെ ഉലയ്ക്കാന് ഉതകുന്ന സത്യങ്ങള് നമ്മുടെ ചുറ്റുപാടുമുണ്ട് എന്ന വസ്തുത നാം തിരിച്ചറിയണം . ഒരു നേരത്തെ അന്നത്തിനുവേണ്ടി തെരുവില് അലഞ്ഞു തിരിയുന്ന ബാല്യങ്ങള് , ഒട്ടിയവയറുമായി വഴിയാത്രക്കാരില് പ്രതീക്ഷയര്പ്പിച്ച് തളര്ന്നു കുഴഞ്ഞ വാര്ദ്ധക്യങ്ങള് .. ഇവയൊക്കെ നേരിട്ട് കാണാത്ത ഒരു ഭാരതീയനും ഉണ്ടാവാന് വഴിയില്ല ... ഒരുനെരമെങ്കിലും വിശക്കുന്നവന്റെ വിശപ്പകറ്റാന് കഴുയുമെങ്കില് അതാണ് ഏറ്റവും വലിയ ഈശ്വര സേവ .... ഇഷ്ടഭക്ഷണം ലഭിക്കാത്തതിന് മാതാപിതാക്കളോട് കലഹിക്കുന്ന ഇന്നത്തെ നമ്മുടെ യൌവ്വനം ഈ സത്യങ്ങള് തിരിച്ചറിയട്ടെ ... വിശപ്പില്ലാത്ത ഒരു ലോകത്തിനായി ഓരോ ധാന്യമണിയും നമുക്ക് കരുതലോടെ സൂക്ഷിക്കാം ഒപ്പം ഭക്ഷണം പാഴാക്കില്ല എന്ന പ്രതിജ്ഞയും .....
No comments:
Post a Comment